MASOMO 23 MWAKA 2017 UMENIFUNZA

HamasikaLeo

         
  1. Kama hauna ubunifu kila siku, upo  kwenye njia ya kurudi ulipotoka
  2. Tabia ya kuahirisha ni mbinu ya kukwepa kufanya vitu vipya.
  3. Usifanye kitu kama hakikupi furaha.
  4. Kama haujali sana basi haujakua sawasa. Kutokuwa na utulivu Wa mawazo ni ishara ya ukuaji.
  5. Kuwa mkarimu, mwenye matumaini, mwema na jasiri katika kila fursa ya maisha.
  6. Simu yako inakugharimu kesho yako.
  7. Wakati hakuna anayeamini maono yako unatakiwa kuwa mwaminifu kwa maono uliyonayo.
  8. Wakati mwingine kitu pekee chenye tija unachoweza kufanya ni kupumzika.
  9. Kazinia kusonga mbele badala ya kuwania ukamilifu.
  10. Jifunze kwa angalau saa moja kwa Siku, kufanya hivyo kutakufanya uone fursa ambazo wengi hawaoni na utashinda.
  11. Kufuta maneno dhaifu kama "siwezi" "haiwezekani" "ni ngumu" na kutumia maneno kama " hii ni nzuri" na " ngoja tujaribu".
  12. Kama ukimuhamasisha mtu mmoja kwa siku siku yako haijapotea.
  13. Kuishi kwenye historia yako ni kutoheshimu kesho yako.
  14. Sema "samahani" kuonesha kuheshimu, sema " asante" kuonesha kukubali.
  15. Ni heri kuwahi saa moja kabla, kuliko kuchelewa dakika moja.
  16. Mtu anayetaka kufanya vyote hafanikishi kitu, Lenga... Lenga....
  17. Tafakari kila siku juu ya wewe, acha kuchangamkia teknolojia  kila siku.
  18. Tabia yako ya kila siku inatangaza imani yako ya kweli.
  19. Maumivu yatokanayo na historia yako yanaweza kutumika kama hazina ya hekima, kukua, ubunifu na tija kwaajili ya kesho.
  20. Kwa mtu mwaminifu; inagharimu miaka 30 kujenga sifa ni sekunde 30 tu zinatosha kupoteza sifa hiyo.
  21. Kuwa simba sio kondoo, kuwa mshindi sio muhanga.
  22. Nafuu ina gharama.
  23. Tumia sehemu iliyobaki ya maisha yako kama ushuhuda utakao saidia wengine.

Team Inspiration Inc tumejipanga kubadilisha maisha ya watu kuanzia kwenye mitazamo na mwaka2018 ni wako.
2018 Lenga Shabaha


Mwakajila Frank
Mwandishi.


Location: Tanzania

Comments

Post a Comment

Popular posts from this blog

MWANAMKE WA THAMANI NA TABIA ZAKE 30

Image
Kamusi sanifu inatoa maana ya thamani kuwa ni hali ya kuwa na faida, manufaa, kitu au mtu mwenye adili. Mtu yeyote anapenda kuwa wa thamani, mtu au kitu kuwa wa thamani inategemea sana matumizi yake na tabia yake, hasa tabia. Tabia ya kitu au mtu ndio hupelekea ubora wake kubaki kama ulivyo au kupungua. Hali na mazingira yanapobadilika kitu bora hubaki kama kilivyo na thanmani yake kuzidi kuongezeka. Chumvi ikichanganywa na mchanga utatafuta mbinu ya kuitoka kwenye mchanga ili uitumie, na ukiamua kwenda kuiuza chumvi hivyo iliyotolewa kwenye mchanga gharama yake haitakuwa ile ya mwanzo. Inaweza kuleta shida kidogo kujadili thamani ya mwanamke pekee wakati huo huo wote wawili mwanamke na mwanaume wanathamani sawa. Nafahamu kuwa wanaume wenzangu wanathamani sawa na mwanamke lakini ukiangalia leo duniani mwanamke huenda hajithamini au athaminiwi jamii yake. Chanzo kikubwa ni mwanamke yeye mwenyewe na ufahamu wake uliojaa mtazamo wa kusaidiwa na kutaka kuthaminiwa pasipo s...
Endelea »

KUJIKATAA.KUKATALIWA.KUKATA TAMAA.

Image
Habari ya uzima ndugu msomaji wangu, natumaini u mzima wa afya. Nimekuwa natamani kuandika kila mara, ningelikuwa mtoto mdogo ningechora kwenye mchanga. Leo tuangazie kuhusu kujikataa, kukataliwa na kukata tamaa. Maneno haya yanabebana kimantiki licha  ya kutofautiana katika matumizi. Kujikataa, kukataliwa na kukata tamaa ni kati ya mambo yanayojitokeza kwenye maisha ya wengi wetu. KUJIKATAA;- Siku yako ya kwanza kufunguka ufahamu na kuelewa namna  ulimwengu ulivyo ndio ulichukua hatua  ya aidha kujikubali au kujikataa. Mungu ni fundi  wa ajabu alitaka maisha yetu yote tuishi tukihamasishana kwa vile tulivyotofauti tofauti. Amempa mtu  mmoja hekima mwingine busara sio kwamba mwenye hekima ajidharau kwa kukosa busara, ila  waishi ulimwenguni wakijifunza na kubadilishana ujuzi. Mawazo ulioweka juu  yako kuhusu hadhi uliyonayo, elimu,pesa, mwonekano na vingine, ndio yanapelekea ujenge mtazamo wa kujikataa. Inashangaza sana kuona akina Dada wana...
Endelea »

UNAWEZAJE KUKOMBOA WAKATI

Image
Utangulizi Kukomboa muda ni dhana inayogusa watu wengi kwa maana kila mtu atamani siku moja awe mmiliki wa muda wake. Kukomboa muda sio sawa na kutunza muda, kama kuna kitu duniani kisichowezekana kutunzika ni muda pekee. Muda ulioutunza jana huwezi kuutumia leo. Unachoweza kufanya ni kutumia muda wote ulionao kwa kufanya mambo ya kimaendeleo, ndio ya kimaendeleo ikiwemo kulala! eeh namaanisha  maendeleo binafsi. Kuna wakati Unaweza kuwa  umesongwa na kazi nyingi lakini huzalishi kitu na haina maendeleo, je utakuwa umetumia muda vizuri? Sasa unatofauti gani na mtu aliyelala kwa maana ya kupumzika.  Unatumia muda, unatunza muda au unakomboa muda? Katika hayo matatu lenye ubora ni Kukomboa muda.  Ndio maana naandika kuhusu Kukomboa muda. Ukombozi ni dhana ya kimapinduzi inayobeba maudhui ya kujitoa kafara yani kujitoa sadaka.  Hizi ni mbinu za Ukombozi wa muda, kufanya hivyo utakuwa umejitoa sadaka kwaajili ya maisha yako, wengi wanaotumia mbinu ...
Endelea »