KUWA WEWE

rethink
 KUWA WEWE

umewahi jiuliza unapenda kuwa nani kwenye maisha yako? au umewahi kuulizwa unapenda kuwa nani kwenye maisha yako?, wengi hutoa majibu ya ajira wanazopenda na wengine hufika mbali hata kutaja kampuni wanayopenda kufanyia hiyo ajira. Sio mbaya sana ila ni hafifu inakupima kiasi gani kwenye maisha yako hujawahi fikiri kutawala na kumiliki. Mungu hakuumba watu mashuhuri na wasio mashuhuri aliumba wote sawa na kuwapa uwezo mbalimbali unaotofautiana........
               "tu sawa lakini hatulingani"
Tangu nimefahamu uwezo uliondani yangu sijawahi tamani kuwa flani, nasikitika kwa nini sikufahamu mapema uwezo nilionao. Leo ukiniuliza unataka kuwa nani nitakujibu nataka kuwa MIMI yaani vile nilivyojaaliwa na mwenyezi Mungu kuwa wapekee ndivyo niwe. Usiogope wewe pia una UWEZO.....Uwezo wako unaweza kuwa kwenye vidole vyako kama vile mimi ninavyochapa hili chapisho, unaweza kuwa kwenye miguu kama vile Lionel Messi anavyowashangaza wengi, unaweza kuwa kwenye mikono kama Dr.Benjamin Carson.Sr.

kuna maana nyingi za mafanikio leo tuangalie hii moja niliyojifunza kutoka kwa mwandishi wa THE RICHEST MAN IN  BABYLON, George.S.Clason katika maneno yake ya utangullizi ameandika, " mafanikio ni kutimia kwa jambo kama matokeo ya jitihada zetu na uwezo tulionao". Kutimia, jitihida, uwezo na matokeo ni maneno muhimu kwenye maana hiyo.
JITIHADA;- ni dhamira ya dhati katika kufanya jambo.
KUTIMIA;- ni ukamilifu wa jambo linalifanywa.
MATOKEO;- hali inayoonekana baada ya jambo kukamilika
UWEZO;- ni nguvu kazi inayopelekea jambo linalitakiwa kutimia litimie.



Kimsingi dunia yote hatuwezi tukawa mabilionea au watu washuhuri, lakini tunaweza kuwa angalau wazazi wa watu mashuhuri wajao. Mark zuckerberg mjasiriamali wa mtandao ni tajiri wa tano kwa sasa ulimwenguni akiwa na umri wa miaka 32, wengi tunaweza sema amepata zali la kugundua programu ya kompyuta, la hasha kakuna kitu kinaitwa zali kwenye sayari ya dunia. Mazingira na wazazi wake wamechangia yeye kufika pale alipo kwasababu walitambua UWEZO wake alionao………Matajiri wa Africa hawawezi elezea utajiri wao wazi sifahamu kwanini, ila naamini wao pia wametumia UWEZO wao wa ndani….

Nikisema uwezo wangu au wako ni kwamba vile ulivyojaaliwa kufanya ambavyo hakuna mtu duniani anafanya, nikisema hakuna,ni  hakuna kweli na hajawahi kutokea. Kama wewe ni fundi viatu na ukashona viatu kama kazi ya mikono unayoipenda sio kwasababu usipofanya njaa itakumaliza, hakika utashona kiasi cha kutoweza kufananishwa na mtu yeyote duniani….

Uwezo wako ulionao ndio utakufanya uwe tofauti na wengi sana wanaokuzunguka. Nakataa na ninakusaidia kukataa kuwa tunalingana, anayelingana na wewe hajazaliwa bado, atazaliwa pale utakapokubali kushindwa…kushindwa kutambua uwezo ulionao. Ben carson MD kwenye kitabu chake cha “mikono iliyozawadiwa” ameandika…
                   <sio nini unafanya, ila namna unavyofanya kazi unayofanya ndio unaweza leta utofauti”>…..

Wakati mwingi ninapenda kukaa peke yangu na kuanza kujitathmini mwenyewe nikijiweka kizimbani na kujihoji, kujikosoa na kujikumbusha mikakati. Muda wako wewe na mtu wako wa ndani utakusaida KUJITAMBUA NA KUJIENDELEZA. Kuna watu wanavito vya thamani kwenye miili yao na hata sasa hawajavitambua, inawezekana sauti, hekima, uongozi,mwonekano,elimu na vingine vingi vinaweza kuwa na uwezo. Ni huzuni sana kama hutaweza kutambua uwezo wako mpaka mauti ikufike maana itakuwa hasara kwa ulimwengu wote kupoteza tunu yenye thamani iliyondania yako…………itaendelea

Nukuu yangu:-
“Potential and success are married unless ignorance proclaim divorce”

Frank Mwakajila,
C.E.O,
World Inspiration Inc.
Inspired by God living to the limits of our potential.










Comments

Post a Comment

Popular posts from this blog

MWANAMKE WA THAMANI NA TABIA ZAKE 30

Image
Kamusi sanifu inatoa maana ya thamani kuwa ni hali ya kuwa na faida, manufaa, kitu au mtu mwenye adili. Mtu yeyote anapenda kuwa wa thamani, mtu au kitu kuwa wa thamani inategemea sana matumizi yake na tabia yake, hasa tabia. Tabia ya kitu au mtu ndio hupelekea ubora wake kubaki kama ulivyo au kupungua. Hali na mazingira yanapobadilika kitu bora hubaki kama kilivyo na thanmani yake kuzidi kuongezeka. Chumvi ikichanganywa na mchanga utatafuta mbinu ya kuitoka kwenye mchanga ili uitumie, na ukiamua kwenda kuiuza chumvi hivyo iliyotolewa kwenye mchanga gharama yake haitakuwa ile ya mwanzo. Inaweza kuleta shida kidogo kujadili thamani ya mwanamke pekee wakati huo huo wote wawili mwanamke na mwanaume wanathamani sawa. Nafahamu kuwa wanaume wenzangu wanathamani sawa na mwanamke lakini ukiangalia leo duniani mwanamke huenda hajithamini au athaminiwi jamii yake. Chanzo kikubwa ni mwanamke yeye mwenyewe na ufahamu wake uliojaa mtazamo wa kusaidiwa na kutaka kuthaminiwa pasipo s...
Endelea »

KUJIKATAA.KUKATALIWA.KUKATA TAMAA.

Image
Habari ya uzima ndugu msomaji wangu, natumaini u mzima wa afya. Nimekuwa natamani kuandika kila mara, ningelikuwa mtoto mdogo ningechora kwenye mchanga. Leo tuangazie kuhusu kujikataa, kukataliwa na kukata tamaa. Maneno haya yanabebana kimantiki licha  ya kutofautiana katika matumizi. Kujikataa, kukataliwa na kukata tamaa ni kati ya mambo yanayojitokeza kwenye maisha ya wengi wetu. KUJIKATAA;- Siku yako ya kwanza kufunguka ufahamu na kuelewa namna  ulimwengu ulivyo ndio ulichukua hatua  ya aidha kujikubali au kujikataa. Mungu ni fundi  wa ajabu alitaka maisha yetu yote tuishi tukihamasishana kwa vile tulivyotofauti tofauti. Amempa mtu  mmoja hekima mwingine busara sio kwamba mwenye hekima ajidharau kwa kukosa busara, ila  waishi ulimwenguni wakijifunza na kubadilishana ujuzi. Mawazo ulioweka juu  yako kuhusu hadhi uliyonayo, elimu,pesa, mwonekano na vingine, ndio yanapelekea ujenge mtazamo wa kujikataa. Inashangaza sana kuona akina Dada wana...
Endelea »

UNAWEZAJE KUKOMBOA WAKATI

Image
Utangulizi Kukomboa muda ni dhana inayogusa watu wengi kwa maana kila mtu atamani siku moja awe mmiliki wa muda wake. Kukomboa muda sio sawa na kutunza muda, kama kuna kitu duniani kisichowezekana kutunzika ni muda pekee. Muda ulioutunza jana huwezi kuutumia leo. Unachoweza kufanya ni kutumia muda wote ulionao kwa kufanya mambo ya kimaendeleo, ndio ya kimaendeleo ikiwemo kulala! eeh namaanisha  maendeleo binafsi. Kuna wakati Unaweza kuwa  umesongwa na kazi nyingi lakini huzalishi kitu na haina maendeleo, je utakuwa umetumia muda vizuri? Sasa unatofauti gani na mtu aliyelala kwa maana ya kupumzika.  Unatumia muda, unatunza muda au unakomboa muda? Katika hayo matatu lenye ubora ni Kukomboa muda.  Ndio maana naandika kuhusu Kukomboa muda. Ukombozi ni dhana ya kimapinduzi inayobeba maudhui ya kujitoa kafara yani kujitoa sadaka.  Hizi ni mbinu za Ukombozi wa muda, kufanya hivyo utakuwa umejitoa sadaka kwaajili ya maisha yako, wengi wanaotumia mbinu ...
Endelea »